قلبــي فاتـح مدرســـه

.

يا قلبي ... علمته الغرام قام معلمني الأســـــــــــــــي
 هوه فيه عشاق كده يصبحوا شيء و إتنســــــــــــــي   ؟
طب ده كان حب بصحيح ... واللي دي حبوب هلوســــه  ؟
 لو نويت تهجر حبيبك سـِـبله ذكري كويســــــــــــــــــه
و إن نويت تعشق تعالي ... قلبي فاتح مدرســــــــــــه    !!!!!!

.

براح مليان همــوم

.

طير بجناحات لــّكني مسجون في الغيــــــــــــوم
سِجني البراح ! ... و كيف البراح يصبح سجــــــون  ؟
و إزاي براح ! ... ده مفيش براح مليان همــــــــوم
أنا طير و طاير بس مسجون في العـــــــــــــــــدم
أنا طير صحيح ... لــّكني طير لاّبس هــــــــــــدوم          !!!!!!
.

الـفـيـــــــــــــــــــــــــــروز

.











.


( الفيروز ) طلع فالصوا ... وراح سـُــهادي هـــــــــــدر
و أنا كنت فيه مخموم ... قال فاكره نوع مـُـعتبــــــــــر
أتاريه طلع مغشوش ...  فــ  لحظه وقع إنكســـــــــــر
ياللي ناديت ياما ... بحـٌرقه علي ( الفيـــــــــــــــــــروز  )
إوعاك تكون ناسي ... ( الفيروز ) ده أصلا" ... حجــــــر      !!!!!!
. 

الحـــب زي الحـــــــرب

.

الحب زي الحرب يوم كر فيه ... و يوم فــــــــــــــر
و أنا فــ الغرام بحار ... وشراع سفينتي حــُـــــــــر
شفتك لقيت مرسي ... نادي السفن للبــــــــــــــر
أتاريكي ساعة حظ ... أو كاس ومليان خمـــــــــــر
أشرب و أقول تاني ... مع إن طعمك مـُـــــــــــــــر        !!!!!!
.

إن قُـلت متخافشي ... و إن خُـفت متقولشي

.

قالـوا زمان من المثل خـُـدلك عظه و إمشـــــــــــــــــي
و إن قـُـلت ... متخافشـي  و إن  خـُـفت ... متقولشـــي
و أنا و الطريق ماشييــن في دروب متخلصشـــــــــــي
متلطشيـن أحـزان  ...  مش مصبوغين ألــــــــــــــــوان
و إن ضـللي مني هرب ... قلبي ميهربشـــــــــــــــــي      !!!!!!
.