سـلفـنــي ودنـــــك ... شـكــــــرا"

ســؤال
لمـا كل المرشحين كانوا في ميدان التحرير 25 & 28 يناير
يبقي مين اللي كان قاعد في بيتهم ؟؟؟؟؟؟

سلفني ودنك أصل أنا , بوداني مش سامـــــــــــع
وأعصر لمون فوق الكلام , طعم الكلام مايــــــــــــع
أطرش و ماشي في زفتي , و مفيش نفس طالــع
 يا اللي إنتوا شاريين الوعود , عن نفسي أنا بايـــع
جاهل ويحلف بالميدان !  , مهو الميدان واســـــــع     !!!!!!
.

بـــره الدنيــــــــا

ما أصعب أن تفقد القدرة علي ... القدره علي الفهم  !!!!!!

و لما سألته رائيك إيه ؟ سـَرح و ضحكلي وحكـالي
سعات أبقي هأقول(أيوه) فـ ألاّقي ال( لاّءه) تحلالي
طب أعمل إيه ماأنا عايش سنين و الجهل كان حـالي
لا أنا إخوانجي ...ولا وطني ... ولا علماني ليبرالي
ده أنا أبسط من الكلمه...و قلة حيلتي راس مالي !!!!!!
.

الدرس إنتهي لموا المتاريــــــس

 

الدرس إنتهي لموا المتاريــــــس
الشعب خلاص كسر الترابيــــــــس
و لا هموا عساكر و اللي بوليـــس
و الحصه الجايه علوم و تاريــــخ
الدرس إنتهي ... إرحل يا رئيـس   !!!!!!
.

؟ !

الوشوش نفس الوشوش و النفوس متغيـــره
لما دقنا الخوف يومين ألف واحد جــاب ورا
كنا فاكرين الكرامه بيضه سهله مقشــره
اّخ يا بلد الأمنيات و الكلام تحت السكـات
لاء و جايين تاني نسأل ليه الحياه متأخره ؟ !!!!!!
.

خماسيات الغضب

في ميت ألف شارع و ميت ألف حاره
و فوق سطح بيتا و كل العمــاره
و صوتهم مجلجل و مليان حــــراره
ولادنا قالولك هترحـــل فترحــــل
يا أبو المفهوميه دي لعبة شطـاره
.

.
التعلب فـــات التعلب فـــــات
دايخ بـيــلف سبـع لفـــــــات
ثوار أحرار شـُـبان و بنـــــات
لو بس صبرنا إتنين و تــــــــلات
راح تصحوا تلاقوا التعلب مـــات
.

.


الدبه وقعت في البيــــر
و شباب في ميدان التحرير
بيناضل بضميــر بضميــر
و بيهتف عاوزين تغييــر
واللهي هيطيــر هيطيــر
.

خماسيات الغضب رسالة إبن

أخبارك إيه يا اّمــه و أبويا عامل إيـــه ؟
قولي لأبوي يا اّمــه إبنك هتفخر بيـــــــه
ده إبنك بميت راجل و بوسيلي يا امه إيديـه
أنا عن قريـب راجع و  بفرحه تملي عنيــــه
أمنتك إدعيلي ... و الظالم إدعي عليـــــه
.

اّخـــر ما قالـــه الشهيـد مصطفـــي المصــري

حسبـــي  الله و نـِـعم الوكيــل

.
بـِـتكفنوني ليه ؟ ... دنا لسه ما مـُـتــــش
تخدوا عزايا ليه ؟ ... و أنا لسه مفرحتــــش
دنا لسه بنطق ... لا ... التانيه ملحقتــــش
و إن كان صحيح أنا مــُـت ... إيه يعني ميهمش
ده إن ألف واحد مات , ملاييـن هـَتتنفــــــس
.