خلخـــــــــــــال

خلخال يا خلخال طالت أوي ركنتكــــــــــــــــــــــــ
كعب الحبيب راحل بيخطي غير سكتكـــــــــــــــــ
مع إنه قاللي في يوم مشتاق أوي لرنتكـــــــــــــ
فيه ناس تشوفك صدي وناس تشوف لمعتكــــــــ
تخرج بقي واللي تفضل كده في علبتكـــــــــــــــ ؟   !!!!!!
.

ســوق البشــــــــر

الدنيا سوق مزحوم فيه يشتري المخاليق والبياعين مخاليـــق

و المرصوصين عــ الرفوف برضوا كمان مخاليــــــــــــــــــــــق

ياللي غويت تكسب قرب وخدلك صديـــــــــــــــــــــــــــــــــق

متاخدش من عــ الوش ... قلبها و إحسبهــــــــــــــــــــــــــــا

و إوعاك من المغشوش ... بـيبيع في وقت الضيــــــــــــــــق   !!!!!!

.

يــوم و يــوم

فرحان أوي !   ليه ؟ ... كسبــــــــــت

زعلان أوي !   ليه ؟ ... خســــــــــرت

فسرحــــــــت  و إتأملـــــــــــــــــــت

و الدنيا دي غير إيــــــــــــــــــــــــــه

يوم إشتريت , يوم بعــــــــــــــــــــت   !!!!!!

.

لو حتي ضحكة كدب

حزننان أوي فــ ضحكت ... الضحكه طلعت كدبـــــــ
فــ ضحكت تاني كمان و طلعت أجري و أدبــــــــــــ
و فضلت عــ الحال ده عمال بنط و أشبــــــــــــــــــ
الناس قالت مجنون و قالوا نشوة حبـــــــــــــــــــــ
الحزن قال ده لئيم و هرب وفيا يسبــــــــــــــــــــــ   !!!!!!
.

ألبــوم صــور

تمر دقيقه والتانيه ... و أبص ألقانــــــــــــــــــي
ملهوف أشوف صورك و أحضنها من تانــــــــــي
و أضحك أنا للصور و أرمي في أحزانــــــــــــي
ياللي هناك فـ الصور وعنيك دي وحشانــــــــي
لو كنت إنته نسيت صورك ما تنسانـــــــــــــــي    !!!!!!
.

الصمــــت

ولا بالخيانه إفترقنا ولا حتي قلنا كــــــــــــــــــــلام
الصمت قال كلمته و الحكم كان إعـــــــــــــــــــدام
بينا جنين مـ السكون فجأة إلتقيته غـــــــــــــــــلام
وبنينا سور مـ السكات و لا حتي بينا ســـــــــــــلام
جايز يكون الملل يمكن تكون الأيــــــــــــــــــــــــام    !!!!!!
.

الكــــرباج

كرباج لسع ضهر الحمار ... فشد حملـــــــــــــــــــه وراه
كرباج كمان لسعه أوي ... كتم الحمار جـــــــــــــــــــواه
وخز العصي ألم الحمار ... جز السنان و نســــــــــــــــاه
كرباج كمان طهق الحمار ... فقام رفــــــــــــــــــــــــــس
قمت إلتقيت العربجي مسروع جري ... عمال بيصـــرخ أه   !!!!!!
.

الإنتظــار

يا حبيبتي طال رصيف الإنتظـار و توهت في وشوش البشــر
السعات بتفوت كتـــــــــــــــــار  و إنتي طيفك لم حضــــــــر
قلبي بركان هاج و ثــــــــــــــار و  كل تكه بينفجــــــــــــــــر
زي ماسك جمر نــــــــــــــــــار  وسط كون هادر مطــــــــــر
ليه يدوق قلبي المــــــــــــــرار ؟  هوه  ذنبه إنه انتظـــــــر ؟ !!!!!!
.

أيها الراقدون تحت الحياه

فــ مره ماشي فــ  طريق سمعت صوت مجنــــــــــون
بيقول بصوت عالي أنا جدي كان فرعــــــــــــــــــــــون
ويقول بنيت حضارات و جدودي شقوا الكــــــــــــــــون
بصيت لقيت حاله يصعب علي الكافــــــــــــــــــــــــــر
سألته إسمك أيه ؟ ... قاللي ... أنا المطحـــــــــــــــون   !!!!!!
.

شخبطـات عـ الــورق

إللي بيهوي العوم , يعمل حساب للغـــــــــــــــــرق
و إللي بيهوي الرحيل , يتأني في المفـتـــــــــــــرق
و إللي كتير يهوي , هيلاقي قلبه إتحـــــــــــــــــرق
و إللي يقضي الليل في شخبطات عــ  الـــــــــورق
يصحي فـ  يوم  مــ النوم يلاقي عمره إتســـــــــرق   !!!!!!
.

عصفــــــــور

عصفور وقع فوق سطحنا بسهم كان مغــــــــــــــــــــــــروس
 عليه جريت  و أوام داويت جرحه اللي كان ميئـــــــــــــــــوس
ولما فاق شفت في عنيه الحزن كان ملمـــــــــــــــــــــــــوس
فكيت قيود من فوق إيديه ... كسرت ياما تــــــــــــــــــــــروس
ولما طاب فرد الجناح وفــ لحظه طار ... وسبني أنا محبــــوس !!!!!!
.

يا رب

سبع سموات سبع أراضين مفيش بينهم خالص عمـــــدان
يا خالق نبته وسط الطين يا خالق مــ التراب إنســـــــــــان
يا واهب للطيور جناحات يا واهب للشجر أغصــــــــــــــــان
بجيلك لو ذنوبي كتير و لو تملي الذنوب فـــــــــــــــــــــدان
بحبك والخطاء نسيان ... وبطلب لمسه مــ الغفــــــــــــران !!!!!!
.

يال العجــــب

ماشي إلتقيت حيه ... بتبوس في ديل عقــــــــــــــرب
فقلت يال العجب ... وفضلت مستغــــــــــــــــــــــــرب
كملت تاني لقيت إنثي في توب تعلـــــــــــــــــــــــــب
بتقولي إنته الحبيب قرب كمان قـــــــــــــــــــــــــــرب
قلبي إتلجم بــ الخوف ما قدرت أشوف مهـــــــــــــرب !!!!!!
.

إحـصـــــــــــد

ياللي زرعت الشوك ... إحصد بقي منـــــــــــــي

الكلمه مدرستي ... و بقولها بتأنــــــــــــــــــــــي

أنا ... أنده عليك تسكت ؟! تسكت وتألمنــــــــــي ؟!

لو كنت ناوي تروح قولها قصاد منــــــــــــــــــــي

إهرب .......... ده فين ما تروح جواك صدي منــــي !!!!!!

.

سألت طير

سألت طير م الطيور ... ياما نفسي أكون بجنـــــــــاح

خلع جناحه وقال ... خدهم وسبني أرتــــــــــــــــــاح

وخد بدالهم دراعي ... وقالي طير في البـــــــــــــراح

رهوان طلعت التل ... و أوام رميت نفســـــــــــــــــي

حاولت أرفرف ... فشلت ... و رجعت كلي جـــــــــــراح !!!!!!

.

متسـألينيــش

وليه أزرع أمل فيكي مادام طرح الورود دبــــــــــلان ؟

وليه أشتاق و أروح ليكي وقرص الشمس بقي غرقــان ؟
كتير عديت علي عنيكي و ياما رجعت و أنا حيـــــــران !
هويتي الصمت والاحزان وطبعك في الألم كتمــــــان !
هتسألي ليه قفلت الباب ... معنديش وقت للســؤلان !!!!!!
.

يا حــزن

يا حزن مالك كده بتقول مفيش قـــــــــــــــــــــدك
لو سور وعالي للسما  قادر أنا أهــــــــــــــــــــدك
بالكلمه أو بالغنوة وبضحكه راح أصــــــــــــــــدك
لكن ما هو العيب مش عليــــــــــــــــــــــــــــــك
أصل البشر عارفه الإصول ... لو غبت ... هتــودك !!!!!!
.

شمعــة نـــــور

كان الضلام حالك ... ولعت شمعة نــــــــــــــــــــــور
فإتجمعوا الكائنات ولا كان حايشهم ســـــــــــــــــــور
سبحانه اللي خلق بصيرتي قبل النـــــــــــــــــــــــور
عجبي عليك يا زمــــــــــــــــــــــــــــــــــــــــــــــــــن
اللي تموت فراشات واللي يعيش صرصــــــــــــــور  !!!!!!
.

الولا المعجباني

كروان وطاير في الفضي يصرخ يقول غرقـــــــــــــان
يمد إيدوا يقول ... غيثوني دنا كــــــــــــــــــــــــــروان
كل الخلايق أبصرت ... إلا الولا الغلبـــــــــــــــــــــــان
فط الولا المعجباني , و قال ... إثبت أوام جـــــــايـلـك
يا خلق غيثوا الولا ... لا يروح مع الطوفــــــــــــــــــان  !!!!!!
.

رصيف الرحيل

بيقولوا إكرام اللي مات , إنه أوام ينـدفــــــــــــــــــــــــن

و أنا فوق رصيف الرحيل , و إنتي رمـي السفــــــــــــــن
متبعتره  مــ  المــــــوج , و الشط  بيكـي إتسكـــــــــــــن
غربـان كتير في السما و  ريقهـا سـال عـ البــــــــــــــدن
فــ  أنا يا حبيبتي مــ النجمه , راح أشتريلك  كفـــــــــــن   !!!!!!
.

النسيـــان

مش فاكر منك ولا حاجه , أنا قلبي نسيــــــــــــــــــــــــــــك
مش فاكر منك حاجه خـــــــــالص ,,, غيــر هيـا عنيـــــــــــك
و صوتك و شفايفك و رموشك و بـوســـه علـــي إيديـــــــــــك
عطرك و كلامك , ضحكاتك , حركاتك , خطوة رجليــــــــــــــك
صدقت يا عمري ؟ ,,, أبقي أنا بكدب لو قلت ناسيــــــــــــــــك !!!!!!
.

حلـم محلـمـتــوش

عندي حصان أبيض   في الحلم   مركبتـــــــــــوش
وسيف بمقبض دهب ,,, لكني ملمستـــــــــــــــوش
وزي فارس أصيل ,,, لكني ملبستــــــــــــــــــــوش
وقلب قادر جسور ,,, يهجم وما يهمـــــــــــــــــوش
بس الغريبه إنه ,,, ده حلم محلمتــــــــــــــــــــــوش !!!!!!
.

مـرســـــــــــال

قلبي كتب مرسال للحب وصـــــــــــــــاه فيــــــــه
وقاله إن يوم جيت يوم ليك مكــــــــــان تلاقيـــــه
وإن جبت ألف ألف حبيب ولاعمري هســأل ليـــــه
بين الضلوع إجـري وحلــــــــــــــــــــــق وطيــــــر
وإللي يعوز يرحل ولا ثانيـه هبكـــــــي عليــــــه !!!!!!
.